Histoire de la Tunisie en lignes تاريخ تونس في أسطر

شكون ما يعرفش الطاهر الحداد. الناس الكل تعرف انه صاحب كتاب "امرأتنا في الشريعة و المجتمع". لكن الطاهر الحداد شخصية أكبر بكثير من كتابه. و له عدة أوجه و ساهم بصفة كبيرة في النهضة الاجتماعية و السياسية و الفكرية للمجتمع التونسي. الطاهر الحداد تولد في 1899 و مات في 1935 و قرا في جامع الزيتونة و هاذا شيء مهم يعني ان تكوينه تقليدي معناها ما جاش من كوكب آخر بل خرج من رحم الثقافة و الهوية التونسية و العربية الإسلامية. لكنه أتى بفكر تجديدي و إصلاحي عميق ساهم إلى مدى بعيد في تغيير المجتمع التونسي خاصة بعد ما اصبح مرجعية أساسية اعتمد عليها من بعد بورقيبة لبلورة التوجه الإصلاحي متاعو خاصة في ما يتعلق بقضية تحرير المرأة عندما أسس لمجلة الأحوال الشخصية بعد الاستقلال و كان بورقيبة يعتبر الطاهر الحداد "رائد تحرير المرأة التونسية".  الحداد ساهم بشكل كبير في الحركة الفكرية و الثقافية في العشرينيات و الثلاثينيات مع ابو القاسم الشابي و مصطفى خريف و محمد بيرم و علي الدوعاجي... و لم يكن فقط مفكرا بل كان زادة مناضل ضد الاستعمار و نقابي بما انه أسس في 1924 الكنفدرالية العامة

علاقة بورقيبة و صالح بن يوسف تقال عليها برشا كلام بعد الثورة  و أصبحت موضوع تجاذبات سياسية حادة و عنيفة في بعض الأحيان.  الفكرة السائدة ان بورقيبة همش صالح بن يوسف و أقصاه و قال الي هو جاب الاستقلال وحدو. كتاب "بورقيبة" هو سيرة ذاتية كتبوه التونسيات المؤرخة صوفي بسيس و الصحفية سهير بلحسن. و صوفي بسيس من أكثر المؤرخين موضوعية عندما تحكي على بورقيبة و تحلل على نفس المستوى من الموضوعية الإنجازات التاريخية متاعو و نزعته الدكتاتورية. و تقول بصفة واضحة ان بورقيبة كان زعيما كبيرا و تاريخيا و كان أيضاً دكتاتورا. كتاب "بورقيبة" يفسر مليح نوعية العلاقة بين بورقيبة و بن يوسف و كيفاش تطورت إلى أزمة لا رجعة فيها. بورقيبة و بن يوسف زوز زعماء وطنيين و دستوريين كبار شاركو بصفة فعالة في النضال الوطني ضد الاستعمار.  العلاقة بين الرجلين بدأت تتوتر منذ ان وافق بورقيبة على قبول اقتراح "الاستقلال الداخلي" من   طرف بيار مانداس فرانس رئيس حكومة فرنسا وقتها و ذلك قناعة منه  بسياسة المراحل الشهيرة التي كان يؤمن بيها بورقيبة. بن يوسف قبل عن مضض فكرة الاستقلال

كيفاش جاو الإسلام و العرب لتونس؟ خاصة و ان تونس ما كانتش مسلمة قبل ذلك. اول مسلمين حطو ساقيهم في تونس هوما من يسمون بالعبادلة السبعة على خاطر اسم كل واحد منهم "عبد لله" و كان ذلك في عام 647 ميلادي (26 هجري) و هوما صحابة  و  على راسهم عبد الله بن أبى السرح الاخ في الرضاعة للخليفة متاع وقتها عثمان ابن عفان. جيش العبادلة قابل الجيش البيزنطي قريب من سبيطلة و هزمه ثم العبادلة عملو هدنة مع الأهالي مقابل 300 قنطار ذهب و روحو لمصر دون ان يتركو في تونس لا جنود و لا حاكم.  في 665 القائد العسكري البيزنطي  متاع أفريقيا Gennadius  يستنجد بالأمويين باش يقاوم إمبراطور بيزنطة الي حب يتسلط عليه و معاوية ابن أبي سفيان خليفة المسلمين  وقتها  استجاب للطلب متاعو و بعثلو جيش بقيادة معاوية ابن حديج و بإعانة عقبة ابن نافع الي  إ حتلو قامونية و جربة ثم ابن حديج يروح على روحو و عقبة ابن نافع يرجع في 670 و ياسس القيروان. عقبة لم يختر المواجهة مع الحاكم البيزنطي متاع تونس إنما ركز جهوده على ادخال الأهالي البربر في دين الإسلام لكنه فشل و أصبحت المقاومة البربرية لعقبة أكثر شراسة  هاذاكا علاش

نعرفو مليح ماركة الشراب التونسية  Magon   لكن وراء الشراب فما رجل   عظيم قدم الكثير لتونس و للعالم في ميدان اختصاصه الي هو الفلاحة و اهتم أيضاً بالتحديد بزراعة الكروم و طرق صنع الخمور و أيضاً طريقة التصرف في المؤسسات الفلاحية و تربية الماشية. Magon le Carthaginois  او ماغون القرطاجي كان جنرال و اهتم بالفلاحة في وقت السلم في قرطاج في عهد  الفينيقين في القرن الثاني او الثالث قبل ولادة المسيح و كتب مجلد ب28 كتاب على الفلاحة على أساس ممارسته الشخصية للفلاحة و هو الكتاب الوحيد الي روحو بيه الرومان إلى إيطاليا من بعد ما غزاونا و دمرو قرطاج. و ماغون يلقب ب"اب الفلاحة" و كان مرجع أساسي في العصور القديمة لعدة قرون إذ انه أحدث منظومة لهيكلة الفلاحة و تنميتها و الطرق متاعو في الفلاحة مازالو يستعملوهم إلى يومنا هاذا.

الناس الكل تعرف شارع "خير الدين باشا" في العاصمة تونس لكن شكونو خير الدين باشا. خير الدين باشا كان "الوزير الكبير" متاع تونس من 1873 إلى 1877 في عهد الصادق باي معناها كيما نقولو توة الوزير الأول. و كان زادة "الوزير الكبير" متاع الامبراطورية العثمانية الكلها من 1878 إلى 1879 بما انها تونس كانت جزء من الامبراطورية العثمانية. و في تونس كان على راس حكومة تكنقراط كيف الجنرالات حسين و رستم. بين 1863 و 1867 سافر خير الدين لأوروبا في نطاق مهمات كلفه بيها الباي و غادي فهم أسباب تطور الغرب و أسباب انحطاط العالم الإسلامي. و من ملاحضاته يخرج خير الدين كتاب "أقوم المسالك في  معرفة أحوال الممالك"  الي هو بمثابة ميثاق التيار الاصلاحي التونسي و التجربة الأوروبية هي الي بلورت الفكر الإصلاحي عند خير الدين و كانت بمثابة مرحلة مهمة في الفكر الإصلاحي التونسي الي تواصل فيما بعد حتى  إلى بورقيبة. في مقدمة كتابه خير الدين يدعو إلى ضرورة توخي مناهج الغرب دون المساس بقيم الدين الإسلامي و يندد بتصدي رجال الدين المسلمين للتمشي الإصلاحي لكن يقول

بوعزيز بن نصر الحناشي زعيم قبائل الحنانشة وقائد لعدة ثورات شعبية ضد البايات في بداية الحكم الحسيني في تونس وقد اعدم بطريقة  وحشية سنة 1739 قي ساحة القصبة بعد ان قطعوه عسكر الباي طروف طروف و شواو أعضاء من بدنو و كلاوهم. بوعزيز كان من الخطورة بالنسبة لحسين باي لدرجة انه تحالف مع "كلبان" بأي قسنطينة سنة 1724 و هزموه. علجية بنت بوعزيز حست على بوها و جابت أحسن ثيابها و لبستها و "ركبت جوادها ونادت النساء والبنات من قريباتها او صديقاتها فركبن ايضا جيادهن ثم خطبت فيهن محرضة قائلة : اذا كان هؤلاء الرجال تنقصهم الشجاعة لمواجهة الترك الذين سيبادرون باغتصابنا أمام أعينهم فلنخرج نحن النساء لنبيع حياتنا بالثمن الغالي ثم شقت عن صدرها وابرزته للرجال وصاحت فيهم : يا ابناء نصر انتم الذين سترضعون هذا اللبن ما عليكم الا الالتحاق بي فاثارت بطولة هذه الفتاة النخوة في نفوس العربان فما كان منهم الا ان حملوا علي الترك بعنف حتي هزموا العسكر وظفروا بنصف الغنائم وأسروا الخليفة وسلبوا الترك كلهم. " المصدر "حسين بن علي" تاليف مختار باي دار الأطلس للنشر 20